página 1099

 
       
 


 




                                                                    Evolushon di hende


                                               

                                                  E siguiente informashon ta duna un bista mas o ménos kon e espesi hende, Homo sapiens, a forma.
                                                  E nòmber "Homo" ta nifiká "humano".
                                                  E teoria deskribi aki bou ta basa riba fósil i por kambia ora ta haña mas prueba.

                                                 
                                                  E difinishon di hende ta poko vago i ta den deskushon. Si ta konsidera un espesi hende tin di aber ku diferente
                                                  faktòr, primeramente kontenido di selebre i intelegensia. Resultado di inteligensia ta si un tipo di hende ta uza hermen, paña,
                                                  uzo di kandela, ta dera su mortonan i tin un idioma (vokal i ku siña).
                                                  E desaroyo di agrikultura, domestikashon di animal, teksto por eskrito i religion ta desaroyonan mas resien ku
                                                  impaktonan enorme riba e desaroyo di hende.

                                                 
E antepasadonan di hende ta originá na Afrika.
                                                  Nos ta kuminsa na Homo habilis. E espesi áki su inteligensia tabata hopi mas abou ku e hende ku nos ta aworaki.
                                                  H. habilis tabata uza hermen di pieda.
                                                 
                                                  For di Homo habilis a evoluá un humano poko mas avansá
                                                  Homo ergaster. H. ergaster a biba for di 1.8 miòn té
                                                  1.3 miòn aña pasa na Afrika súr i ost.

                                                  Di Homo ergaster a sali dos tipo humano: H erectus i H antecessor.
                                                  Homo erectus a plama for di Afrika bai Asia i Oropa.
                                                  H erectus a biba di 1.8 miòn aña pasa te 143 000 aña pasa.
                                                  Homo antecessor a biba 1.2 miòn aña pasa te 800 000 aña pasa.
                                                  H. antecessor a sali for di Africa bai Oropa i Asia kaminda
                                                  for di dje a forma Homo neanderthalensis i H. denisova.
                                                  Na Afrika H. antecessor a kambia den Homo sapiens. E hende
                                                  ku nos ta awendia.
                                                  Homo sapiens tambe a plama for di Afrika bai Oropa i Asia,
                                                  mas o ménos 60 000 aña pasa. Homo sapiens ta
superior
                                                  na kada otro tipo di humano i a dominá mundo kompletu
                                                  na final.

Homo habilis
Homo ergaster

Homo erectus
Homo antecessor
Homo sapiens
Homo neanderthalensis
Homo denisova

 

                                                 


                                                  Ora Homo sapiens a sali for di Afrika el a topa ku
H. neanderthalensis i H. denisova. Prome ku ékstinshon di e dos
                                                 
ultimo humano menshoná el a hibridisá (minguá). Awendia hende di henter mundu ku eksepshon di Afrika
                                                 
ta karga DNA (informashon genétiko) di H. neanderthalensis.
                                                 
Un grupo di hende di Australia i Oseania (Asia leu) ta karga DNA di H. denisova.
                                                 
Mas o ménos 40 000 aña pasa hende a sali di Asia bai Merka, resultá den rasa i kultura indian.
                                                 
Variashonnan den rasa ta djís adaptashonnan kousá di evolushon. Forma di kurpa, koló di kueru, kabei etc. ta 
                                                 
adaptashon pa klimá ku komo resultado mas chèns pa sobrebibí.
                                                 
Domestikashon di animal i agrikultura (a kuminsá formá 13 000 aña pasa) tin un impakto enorme riba e ser humano.
                                                 
E desaroyo áki a pone ku tin kuminda sufisiente i a forma siudat. Un parti di poblashon por ehersé un profeshon.
                                                 
Den e epoka ta desaroya guera organisá.
                                                 
Ultimo 500 aña i sigur awendia nos poblashon global ta mesklá. Desaroyo di téknika ta mas lihé ku desaroyo di hende.
                                                 
Probablemente den futuro nos mes desaroya un ser ku ta mas avansá ku nos mes. Evolushon ta kue un otro rumbo.
                                                 
                                                 
                                

               




                                            Klek áki pa liña di tempu di ultimo 10 000 aña.




                                                 
 


 fuente: Wikipedia