página 1100

 
       
 


 

           

                                                evolushon, mutashon (1)
                           

                                    Den kada sèl tin informashon kon e organismo (kreatura) ta
                                    trahá i kon e ta funshoná.
                                    E informashon tei den forma di DNA (na Spaño ADN).
                                    Ta pasa ku pa diferente kousa e DNA por kambia.
                                    Un kambio eroniko yamá "mutashon".
                                    Mayoria mutashon ta disbentahoso. E individuo lo no sobrebibi.
                                    De bes en kuando tin un mutashon bentahoso.
                                    Un ehèmpel:

                                                                






                                         E siguiente ehèmpel ta poko eksaherá. Kambio di organismo ta tuma luga durante miles i miones di aña dor di kantidat di mutashon.




                                        





                                         Un yiu di lagadishi ta nanse sin pia
                                         pa motibu di un mutashon.
                                         Tur lagadishi otro ta mas fés. Esun sin pia
                                         no ta haña kuminda fásil, ni e por koré
                                         lihé pa skapa su bida.
                                         Esun sin pia ta muri promé i e mutashon su
                                         eksistensia a kaba.


                                         E medio ambiente ta kambia.
                                         Tur kaminda ta krese yerba.



                                         Un mutashon similar ta pasa.
                                         E rèptil sin pia ta pasa mas lihé
                                         den tur e yerba. E ta haña mas kuminda,
                                         e ta skapa di peliger.
                                         E por prokreá mihó,
                                         Despues tempu e lagadishi sin pia
                                         ta dominá.
                                        







                                          Tur kriatura ta formá pa mutashon i selekshon.

                                          Algun ehèmpel remarkabel:        - kolebra ta desendiente di bestia ku pia.
                                                                                         - bayena ta desendiente di bestia terestrial.
                                                                                         - para ta sali di dinosourio. Skama di rèptil a kambia bira pluma.


 



 

                                                                                                          Un antepasado di bayena. fuente: Wikipedia



                                        Fosil di archaeopteryx, un di e promé paranan konosí.
                                        fuente: Wikipedia. outor: H. Raab