página 1552

 
       
 


 

 

                                           kalentamentu di tera (global warming)


                            Kalentamentu di nos atmósfera ta un proseso kompliká kaminda hopi faktor tin influensha.
                            En prinsipio nos atmósfera ta keinta pa motibu ku e komposishon di nos atmósfera ta kambia.
                            Poko poko nos atmósfera ta kontené mas dioksígeno di karbon i m
étano.
                         
  Dikon e atmósfera awor ta kontené mas dioksígeno di karbon i métano?  klik aki pa un splikashon.
                            E gas nan por retené kayente mas mihó ku oksígeno i nitrógeno di den airu.
                            Nos ta bisa ku nan kapasidat di kayente (
warmtecapasiteit) ta mas haltu.

                            Lus di IR (kòrá invisibel, infra red) no por pasa dor di gas di CO2.
                            Den e video aki bou e kamara ta sensibel pa lus IR. Ora ta poné CO2 entre e bela i e kamara
                            e kamara no por graba e kandela di bela mas.


                                                                   




                           
                            Algun efekto spera:    -sekura, áwaseru torensial i orkan ta bira mas fuerte.
                                                             -riu di eis (glacier) ta dirti.
                                                             -Polo Nort i Polo Sùit ta dirti (parsial)
                                                             -laman ta subi

                            Algun efekto ta visibel kaba: Na Greenland i Polo Sùit tin mas mata ta krese i
                            riu di eis ta bira mas kòrtiku. (mira:
 Retreat of glaciers since 1850)

                            Dikon laman ta subi?
                            Pa algun motibu: kada m3 di awa laman ta ekspandé.
                            E di dos: eis di riba tera ta dirti. (eis ku ta dreif no tin efekto).

 


                                                   
                                                                              

                                                                                                      

                              Tin un efekto mas. Eis ta reflektá lus di solo, i pa e motibu e lus no ta kambia den kayente.
                              Kaminda no tin eis mas e lus si ta kambia den kayente i ta fortifiká e proseso di kalentamentu di tera.



 



 

                              Oumento di gas di métano.
                              Tin diferente fuente di métano, esunnan prinsipal: krio di bestia, kunuku di aros.
                              Tambe ta sali métano for di eis ku ta dirti na e polonan.

                              Ora bestia ta digerí mata mikrobionan den stoma i tripa ta traha un kantidat di gas di métano
                              i otro gasnan paresido).
                              For di mèrs tambe ta sali gas. Tin kompania di krio di bestia ku ta generá gas pa kushina den tanki di mèrs.

                              Kaminda tin material orgániko ta putri bou di awa tambe ta sali gas, por ehèmpel den kunukunan di aros.


                                                                         
                                                kunuku di aros
(fuente wikipedia)                 krio di baka (fuente Wikipedia)                      biogas   (fuente Wikipedia)


                              Oumento di gas di dioksígeno di karbon.
                              Ora ta kima gasoil ta sali prinsipal gas di awa i gas di dioksígeno di karbon.
                              Ora un bela ta sende, un palu ta kima etc. ta meskos.
                              E kousa mas grandi pa e oumento di e kantidat di dioksígeno di karbon den atmósfera ta e kimamentu
                              di fiul fósil.
                              Fiul fosil ta sali di bou di tera den forma di karbon, petroli i gas.
                              Kada dia hende ta kima masha hopi fiul fosil pa transporte (outo, barku, avion) i planta di koriente.
                              Tambe tin mas industria ku ta kima hopi fiul.

                              Hende a kap, rosa, hopi mondi. Un palu ta konsistí di entre otro karbon. Tur e karbon di den palu a
                              bai den atmósfera den forma di dioksígeno di karbon.
                              Ora ta planta e palunan bèk e kresementu di palu ta kita e gas for di hairu. Dus ora ta kima palu i ta planta
                              nan bèk no ta oumentá e nivel di dioxido di karbon.



                             
                                                   
                                                fabrika di koriente                      fabrika di koriente 
                                                kimando karbon                           kimando gas
                                               
(fuente Wikipedia)                                                      (fuente Wikipedia)


                           
 

 

                              Efektonan na Kòrsou
 
 
                       No ta sigur kua ta e efektonan pa Kòrsou. Posibel ta e siguiente:
 
                                - laman ta subi
 
                                - sekura ta dura mas òf nèt ménos
 
                                - áwaseru por ta mas fuerte
                                 - orkan ta bira mas fuerte i mas frekuente
                                 - koral ta daña

               
                Esaki ta un poko èksagerá, laman ta bai subi entre 18 pa 60 cm den 100 aña.
              No ta tur kaminda e ta subi mes tantu. Na e kosta Atlantiko di Merka laman ta
              subi mas ku promedio.


                    Efektonan riba koral

                       Mundialmente ta premirá daño na e sistema ekológiko di koral.
                        Sierto malesa a pasa kousando blekiamentu i morto di koral. Skarsedat di e seapel spiña
                        largu pone ku lima ta dominá.
                        Organismonan tin e kapasidat di adaptá, lo tin adaptashon, pero e kambionan den klima ta
                        muchu fès.
                        Kiko nos por hasi?  Nos por kuida koral dor: - limpia awa sushi ku ta bai laman.
                                                                                          - pone regla pa evitá anker daña koral, pone bui pa mara boto.
                                                                                          - traha dam (pa lodo di roi no yega laman).
                                                                                          - evitá polushon di laman (p.e. ku petroli na Bullenbaai).

                               
                                              
                                        koral na Boka Patrik                       Bullenbaai                                   awa sushi ta bai laman na Brievengat